𝐆𝐨𝐥𝐚𝐡𝐚 𝐆𝐮𝐮𝐫𝐭𝐢𝐝𝐚 𝐨𝐨 𝐰𝐚𝐫 𝐤𝐚 𝐬𝐨𝐨 𝐬𝐚𝐚𝐫𝐚𝐲 𝐱𝐚𝐚𝐥𝐚𝐝𝐚 𝐋𝐚𝐚𝐬𝐜𝐚𝐚𝐧𝐨𝐨𝐝

Guddida arrimaha Gudaha iyo Nabadgelyada ee golaha guurtida Somaliland ayaa sheegay in ay taageersan yihiin xabad-joojinta bila shuruuda ah ee ay ku dhawaaqeen xukuumadda iyo labada gole Qaran ee Baarlamaanka ee Guurtida iyo Wakiilladu.

Sidoo kale waxa ay soo jeediyeen in laga wada qayb qaato sidii gurmad loogu fidinlahaa dadka ku barakacay dagaalka ka dhacay magaalada Laascaanood ee xarunta gobolka Sool.

𝐖𝐚𝐱𝐚𝐚𝐧𝐞𝐲 𝐮 𝐝𝐡𝐢𝐠𝐧𝐞𝐲𝐝 𝐰𝐚𝐫𝐛𝐢𝐱𝐢𝐧𝐭𝐚 𝐠𝐮𝐝𝐝𝐢𝐝𝐚 𝐞𝐞 𝐥𝐚 𝐱𝐢𝐝𝐡𝐢𝐢𝐝𝐡𝐚 𝐚𝐫𝐫𝐢𝐧𝐭𝐚 𝐋𝐚𝐚𝐬𝐜𝐚𝐚𝐧𝐨𝐨𝐝

“Guddidu waxay ayidsan tahay oo ay sii xoojinaysaa baaqii babadeed ee Golaha Guurtiddu sida wadajirka ah usoo saaray, waxay soo jeedinaysa in xabad-joojintii la dhaqan-galiyo, lana sii adkeeyo xasiloonida ayaamihii u dambeeyay ka jirtay magaalada Laascaanood, in laga Qayb-qaato Gurmadka loo fidinayo dadka ku barakacay, isla markaana gacan la siiyo shaqaalaha wada gargaarka bini’aadanimo”